Samichlaus Unterstufe

.

d'unterstufäklasse händ am friitig (3.12.04) per brief vernoh, dass dä samichlaus sin mantel verlorä hät. und das usgrächnet i dä chlausäziit, won er zu allnä chinder sötti go. er hät üs i sim brief verzellt, wie er i dä ganze welt gsuächt und gsuächt hät. vo china bis afrika, vo indiä bis amerika, überall het er sin mantel gsuächt und isch däbi vo viellnä chinder uf dä ganzä welt untertstützt wordä. leider hät er aber sin mantel niänät gfundä. so hät er üs dä uftrag geh, ihm bi dä suächi z'helfä.

do d'gaiser chinder übers wuchenend au nöd fündig wordä sind, händ sich am mentig alli klassä uf d'suächi g'macht. mit vereintä chräft loot sich mengmol meh erreichä, händ mir üs denkt. so isch es cho, dass sich wärend em suächä alli klassä troffä hend. dä entschluss ich schnell g'fasst gsi, mir gend nöd uf. so hend mir üs uf dä wäg g'macht und sind gmeinsam richtig buechstuden in wald ufä g'laufä. scho fast hend mir d'suächi wöllä ufgeh, do hend es paar chinder dä mantel entdeckt. er isch im gartä vo dä frau frischknecht amänä baum g'hanget. so es glück. doch dä mantel jetzt uf d'post bringä, wär au nöd g'schied. dä samichlaus chämt dä jo gar nümä zur richtigä ziit über. so sind mir also wiiter g'laufä, um dä samichlaus z'suächä. nöd dä samichlaus, sondern dä schmutzli hend mir dänn troffä. hät dä ä freud g'ha. er hät üs denn au uf äm schnellstä wäg zum samichlaus g'führt.

bim samichlaus acho, hend alli klasse dörfe zu ihm is hüttli, won er üs viel guäti, aber au nöd so guäti sachä g'seit het.

glücklich drüber, dass keis chind in sack g'steckt wordä isch und mir sogar än sack vollä feinä sache becho hend, sind mir z'rugg id schuälzimmer glaufä.

döt hend sich alli chönä dä buch voll schlo mit schoggi, nüss, manderinli und biberli. Mmmhh.